Sheshi “Skënderbeu” gati për marshin “Drejtësi, jo politikë” – i pret rreth 200 mijë qytetarë

07:07 | 17 Shkurt 2026
E.G

Sheshi “Skënderbeu” në Prishtinë sot do jetë nikoqir i marshit “Drejtësi, jo politikë”, i organizuar nga platforma “Liria ka Emër”.

Organizatorët kanë paralajmëruar një pjesëmarrje masive, që sipas tyre mund të tejkalojë 200 mijë qytetarë nga të gjitha trevat shqiptare.

Marshi synon të shprehë qëndrimin kundër procesit gjyqësor ndaj ish-krerëve të UÇK-së, ndërsa organizatorët e cilësojnë si një tubim paqësor dhe gjithëpërfshirës, me mesazhin kryesor për drejtësi të paanshme.

Programi do të përfshijë aktivitete muzikore, përfaqësues të kategorive të ndryshme të shoqërisë përfshirë sindikata, artistë, mësimdhënës, mjekë dhe përfaqësues të bashkësive fetare.

Për mbarëvajtjen e tubimit janë angazhuar njësitë policore, zjarrfikësit dhe strukturat emergjente, ndërsa transporti i organizuar me autobusë nga të gjitha komunat pritet të lehtësojë ardhjen e qytetarëve në kryeqytet.